🍴大判燒! 黑毛和牛西冷 $178
海外店限定‼️去唔到日本，呢到食著先，有專人係你面前燒。黑毛和牛被譽為日本最自豪既第一牛品種，鹿兒島產有保證，油花雪白細密。
拌生雞蛋食，入口牛肉軟腍腍，雞蛋滑捋捋，唔使點咀嚼就滑入喉嚨。西冷部位肥瘦適中，食完都唔覺膩。
🍴Omakase Course $398/ppl
睇完成份Menu，覺得性價比最高，有齊前菜、肉肉、主食同甜品，試到和牛之餘又飽肚。
套餐設計亦盡心思，共四款牛肉，兩款和牛當中比你試勻一肥 (牛小排) 一瘦 (赤身) 既分別，非和牛都咁設計。不同部位切成唔同厚度，務求呈現牛肉最佳質感。
🔸前菜: 泡菜三點盛有傳統泡菜、醃青瓜同白蘿蔔，入口酸辣解膩; 沙律加入木魚碎同柚子汁，清新開胃; 海澡湯清潤，食到中途可以飲啖消滯。
🔸燒肉拼盤：以燒汁調味。
黑毛和牛特選小排： 屬於牛肉稀少部位，肉香與油香並重，油花豐富，爐火迫出油脂，入口柔軟豐腴;
黑毛和牛赤身：相對牛小排瘦，肌肉中分佈著脂肪，同樣軟熟，帶些微彈力;
牛板腱肉：薄切快熟，板腱位置有嚼勁，肉味相對濃郁
特上牛胸腹肉：堪稱牛五花，肉質相對結實，油花紋路明顯
🔸另一拼盤：主要以鹽調味。
海老：推薦‼️ 烤至焦脆，必定連殻吮😂頭蝦一咬爆膏，肉質彈牙
牛舌：燒肉必備，獨有牛內臟味道濃郁，入口爽彈;
蔥鹽味若雞：蔥油雞皮烤至乾脆，肉質結實
野菜有雞肶菇、冬菇、南瓜同洋蔥
🔸石燒雞肉泡菜鍋飯：石鍋夠熱，食到最後，飯仲噴煙，仲有滿滿的飯焦。材料豐富，有雞肉、韭菜、豆芽…每啖都香辣暖胃。
🔸甜品：雪糕糯米、杏仁豆腐：無論有冇叫套餐，每位客人都有😍杏仁豆腐有驚喜，滑嫩動L，作為一餐總結，好滿足！
