㷫烚烚 (Closed)

呢幾日都好凍☃️打邊爐一定係聚會的不二之選！今次就去左旺角「㷫烚烚」一次過食晒雞煲、蒸海鮮、打邊爐暖暖身🍲呢間仲要係歌手C All Star開既，要支持下🤣🔸麻辣雞煲🐥一坐低會先食雞煲，我哋揀咗小辣，辣到啱啱好，夠晒惹味，最正嗰下就係店員會落酒，再點火，變成火焰雞煲🔥好似睇表演咁🤣 雞煲都係任食，唔夠可以再添，不過我哋食一round就夠。🔸時令海鮮拼盤🦐🐚雞煲之後就係上海鮮拼盤，落咗好多蒜蓉、有粉絲、烏冬，好吸味，海鮮有扇貝、蜆、鮑魚、大蝦、聖子，都好新鮮特別鍾意食聖子超爽口！🔸蒙古冰羊腩鍋🐏火鍋方面揀咗蒙古冰羊腩鍋，見幾特別而且冬天食羊可以補身，一上菜嘅時候，鍋入面真係有冰粒🧊雪住啲羊肉🐑大概滾七至8分鐘就可以食。蒙古冰羊腩煲選用180日以下最嫩嘅羊仔，食到羊鮮味，入口煙韌彈牙 ，而且嫩滑，可以一試。自助區仲有好多火鍋配料，而手機落單亦都有牛肉、羊肉、各式小食、甜品等等。📍#㷫烚烚 (#旺角美食)旺角登打士街56號家樂坊8樓802號舖