梨泰院 (愉景新城) (Closed)

最近見到荃灣新開左間韓國菜，咁啱鋪炸雞癮起，就一於去食🤩鋪頭都幾大幾擴闊，算多位。野食選擇都幾多，而且仲要唔洗加一添👍幾抵食。  1️⃣太陽芝士雞鍋（$248）有齊原味、芝士、甜辣同埋豆醬炸雞。心思思咩味既炸雞都想食既話，嗌呢個就啱曬。原味炸雞仲有跟個蜜糖芥末醬，酸酸甜甜好好味。特別鍾意呢度既豆醬同埋甜辣炸雞，醬汁夠曬味😋中間既熱融左芝士都超正～啲芝士同平時食開既韓式炸雞點既芝士有啲唔同，芝士味冇想像中咁香濃，但係好特別既係入面有啲粟米粒😳食落有啲似忌廉粟米白汁果啲味。芝士好多可以狂點啲雞🤤不過呢度既雞個人就覺得炸得麻麻地，炸得係好脆，但係雞肉唔算多，而且炸皮偏厚。  2⃣️泡菜煎餅（$68）泡菜比較少，比較感覺麵粉多啲。唔算好香，而且煎得一啲都唔脆😂非常普通，可以唔洗試。  3⃣️天婦羅拼盤（$98）有金菇、南瓜、紫薯、翠玉瓜同埋湖南椒。比較特別既係金菇天婦羅，第一次食，炸得真係好脆，而且中間仲食到金菇一絲絲既感覺，好味😋不過食到尾會覺得有啲油。  4⃣️雜菜炒粉絲（午餐）（$58）呢個好抵食，炒得好香而且唔會油笠笠，有好多雜菜。冬菇、椰菜、芽菜、紅蘿蔔，炒埋一碟大大碟又好食又飽肚。  5⃣️炆牛肋條配