我地揀咗中等價錢嘅澳洲和牛放題,揀完套餐之後店員即刻送上日本A4和牛同埋刺身拼盤,不過呢2款拼盤就冇得encore。
本身我哋叫嘅套餐澳洲和牛亦都好高質,油花分佈平均,好香牛味。
佢哋個爐好方便,可以同時火鍋同燒肉。火鍋湯底亦都有6種選擇,我哋就揀咗黑蒜豬骨同埋龍蝦蕃茄。
除咗火鍋同燒肉之外,仲有任食壽司,天婦羅,炸物,一品料理同海鮮,超級豐富。
佢哋嘅天婦羅都非常之高質,炸粉好薄。
炸物新鮮熱辣辣,最鍾意食就係芝士年糕同蒜片雞軟骨。
海鮮方面,我哋都encore左好幾次帆立貝同番薯蜆,帆立貝好鮮甜,番薯蜆亦好大粒,而且吐晒沙。
