泰色食 (Closed)

星期六下午係天后附近搵食，好耐冇食過泰國野所以就入左呢間餐廳試下。餐廳環境以橙色同木為住，牆上面掛左d泰式既擺設，都幾有泰國風味。睇menu先發現原來餐廳唔係得泰國菜食仲有台灣菜。除左午餐套餐menu之外，都有散叫既menu，入面選擇都十分多。由於午餐餐牌上面個兩張相望落都好吸引，所以就揀左招牌海南雞飯同埋招牌台式大婆牛肉麵。招牌海南雞飯＄58除左海南雞飯之外，仲跟左冬瓜湯。海南雞除左有雞腿位之外，仲有比到雞胸位。雞皮食落爽口，雞肉滑身，配埋海南雞必備蒜蓉、黑醬油、酸甜辣椒汁，再加啖雞油飯十分滿足，d雞望落份量好似好小咁，但其實係疊住曬，所以我女仔黎講都算好飽肚。招牌台式大婆牛肉麵 ＄68份量十分大碗，而且用料十分用心，有牛腱、牛根、牛腩。仲有台式牛肉麵會有配既酸菜，十分正宗啊。牛肉湯牛味濃郁，味道適中。所有牛既部位都十分軟熟，而且全部都好厚切，一d都唔孤寒啊。香茅茶（熱）跟餐免費送既香茅茶，好特別，之前冇飲過，聞落好香香茅味，好似香水咁，飲落係淡淡既茶香，都幾易入口。芒果沙冰芒果沙冰係男友飲所以就不做評論喇～總括黎講，一間又可以食泰國野同時又可以食台灣野既餐廳幾特別，而且好小有，可以