我鍾意呢度夠空間。坐得舒服，而且裝修都唔錯。
重慶雞煲惹味又香。雖然天氣依家好熱，但坐係呢度冷氣夠凍，無野可以阻止到香港人想打邊爐嘅決心。
雞肉質地順滑，味道濃郁。加左少少辣，所以食得好開胃。好想再encore雞煲，整得好好味。
食完要繼續打邊爐！肥牛任食，新鮮有夠滑。依家電子落單真係超方便，又環保！食左好多靚肥牛。
蔬菜，丸，應有盡有，已經好耐唔食得咁開心咁放縱。
仲有呢個特別嘅響鈴。浸一浸個湯底，脆身又吸晒啲汁。已經encore左幾個。
出邊仲有好多唔同飲品自己攞。
食完仲有甜品！開啟第二個胃。食得好滿足。
好抵食又多樣化嘅食物，係一個好值得再回頭嘅餐廳。
