川婆婆 (寶勒巷) (Closed)

封關太耐，實在太掛住深圳嘅串串鍋，上OpenRice見到尖沙咀有間串串鍋，決定趁今日假期黎試一試。我地5:45 黎到，估唔到已經有人，食到六點幾直情滿座，大家記住book 位。我地簡左中間價錢既B餐，有燒烤有火鍋，加左$30 有鴛鴦鍋，養生菌皇雞湯同麻辣鍋，因屋企人唔係好食辣。雞湯好足料了，入邊有好多雞，仲要去到尾都仲好滑，仲有好多蟲草花同菇菇。麻辣鍋開頭唔算好辣會，加埋串串吸晒湯底，超好味。但我唔算食得好辣，所以我都夾起晒啲辣椒，但都越食越刺激。跟餐送嘅兩款靚牛肉，唔太肥唔太瘦，好有肉味。海鮮盤用料新鮮，鮑魚爽口彈牙，蝦好大隻，好爽口，蟶子唔算大隻，但同蜆都好新鮮無沙。出面好多款式，基本上每款試一串，都已經飽晒。最後，不得不讚飲品款式多，怕肥可以飲OOHA，零卡路里。而且還有很多樽裝選擇，樽裝可樂好夠汽。