校長燒肉日韓料理 (沙咀道) (Closed)

今日做孝順女，先陪爸爸去荃灣買野，再帶佢試下呢間聽朋友讚好既校長燒肉，一次過有晒燒肉，火鍋，刺身。點知一入到去不得了，點止三個願望，簡直n個願望，過百款食品及飲品。肉類丸類菜等等都有，肥牛絕對對得起呢個價錢，仲要同一款有幾隻味，仲要調味得唔錯。最驚喜係刺身有帶子同赤蝦。熟食最驚喜就係有炒蜆同東風螺。飲品選擇亦好多，第一次見韓國飲品有桃汁同菠蘿汁,仲有美顏養生花茶區解滯。另外甜品種類亦好多，仲有要韓國雪糕同大阪芒果雪糕，正。總結，呢個價錢晚市$2xx，性價比俾好多牛x品牌高好多。