知粥嘗樂 (Closed)

粥店好似買少見少, 有時特然想食碗粥都唔知去邊度搵, 更莫說好食嘅粥品。但最近到北角探朋友後一同到附近晚餐, 發現'知粥嘗樂'竟然有海鮮粥,本來同行者唔係太感興趣, 但發現同埸仲有石燒牛及雞煲, 呢間粥店不簡單!砂鍋海鮮粥非常出色海鮮新鮮與否其實無得呃一入囗 甚至淨睇外表已經知道而知粥常樂嘅砂鍋海鮮粥無令人失望一個砂鍋 兩人份量內有一隻蟹，兩隻鮑魚及四隻蝦份量跟根據海鮮大小而定 總之絕對足料粥底好甜，鮑魚甜而不靱，非常難得蝦肉爽口彈牙； 隻蟹個有膏…終於係香港俾我食到有水準嘅海鮮粥喇另一邊箱熱焫焫嘅石燒牛柳已經上枱，真係俾兩塊牛柳的嘅大小同埋一碗白飯仲有沙律嚇親，太多了吧！肉質鬆軟牛味重，但稍欠油脂，加分位有配自家製汁醬，大概似黑椒味燒汁，辣辣甜甜，同牛柳好match。石鍋三杯雞不論賣相. 聞或入口，第一個感覺都係雞煲，但食真啲係有陣好香嘅乾葱及九層塔嘅味道，味道好出色，整體表現其實比較似三杯雞，肉質唔乾身而且入味。老闆介紹呢個版本已經係第N次改良版，可見制作用心❤️