Video
Read full review
2025-03-29
1418 views
老細話好耐冇食烤肉～佢同事推介，銅鑼灣好就腳就有一間，有得燒烤又有得打邊爐，仲要任食到飽嘅放題🥰🤗今日放工一於試下！利舞臺廣場上面好多食肆，呢間真係未試過～但一聽個名就知道係食牛肉㗎啦！！好彩早嚟啫……原來都差不多book到滿🫣可想而之性價比有幾高！🤭😅有三款套餐畀你揀，我地取之中庸，叫咗樂天澳洲和牛放題，個拼盤真係好靚呀😍入面厚切嘅肉全部都係燒肉～薄切嘅就用嚟shabu shabu～湯底三選一，揀咗黑松露牛骨湯，湯底都幾鮮甜～燒肉有好多唔同款嘅～牛肋肉、牛冧肉、肩胛肉、封門柳……豬肉都有好多，五花腩、豬肋肉…甚至乎有內臟同牛舌！仲有豬腸、豬肚……真係花多眼亂，每樣都叫一、兩件啦～注意：佢有啲一份兩件，有啲一份一件，建議大家每樣嗌一，試下好食再叫～（其實全部肉嘅質素都好高🤭😅）仲有啲海產，譬如蠔、扇貝同埋海蝦，或者係串燒，另外仲有啲預製嘅小食！出面仲有兩個大凍櫃，有前菜、泡菜、蔬菜同打邊爐嘅丸，都有好多選擇！魚蛋、牛丸、獅子狗、蟹柳……品質都唔錯，仲有大大個飲品櫃同甜品櫃，都有唔同種類可以選擇！加48蚊仲可以酒精類飲品放題，有梅酒、啤酒、紅酒、白酒……所以話性價比真係好高！🥰👍🏻提一提
老細話好耐冇食烤肉～佢同事推介，銅鑼灣好就腳就有一間，有得燒烤又有得打邊爐，仲要任食到飽嘅放題🥰🤗今日放工一於試下！利舞臺廣場上面好多食肆，呢間真係未試過～但一聽個名就知道係食牛肉㗎啦！！好彩早嚟啫……原來都差不多book到滿🫣可想而之性價比有幾高！🤭😅
有三款套餐畀你揀，我地取之中庸，叫咗樂天澳洲和牛放題，個拼盤真係好靚呀😍入面厚切嘅肉全部都係燒肉～薄切嘅就用嚟shabu shabu～
湯底三選一，揀咗黑松露牛骨湯，湯底都幾鮮甜～燒肉有好多唔同款嘅～牛肋肉、牛冧肉、肩胛肉、封門柳……豬肉都有好多，五花腩、豬肋肉…甚至乎有內臟同牛舌！
仲有豬腸、豬肚……真係花多眼亂，每樣都叫一、兩件啦～注意：佢有啲一份兩件，有啲一份一件，建議大家每樣嗌一，試下好食再叫～（其實全部肉嘅質素都好高🤭😅）
仲有啲海產，譬如蠔、扇貝同埋海蝦，或者係串燒，另外仲有啲預製嘅小食！
出面仲有兩個大凍櫃，有前菜、泡菜、蔬菜同打邊爐嘅丸，都有好多選擇！魚蛋、牛丸、獅子狗、蟹柳……品質都唔錯，仲有大大個飲品櫃同甜品櫃，都有唔同種類可以選擇！
加48蚊仲可以酒精類飲品放題，有梅酒、啤酒、紅酒、白酒……所以話性價比真係好高！
🥰👍🏻提一提：佢限時兩小時，其實人少少，傾下食下絕對足夠！！
Post
