Video
Read full review
2023-04-23
27 views
而家呢啲天氣乍暖還寒，最近仲天陰陰又落雨，沾寒沾凍咁，去打邊爐最正！聽其他朋友介紹呢間火鍋店，就去咗尖沙咀分店試吓！為咗早啲食完再行街，我哋6點就入去食。坐低店員就介紹，原來係先食麻辣雞煲，鴛鴦鴨煲同黑椒豬手煲，之後再換新一煲，揀湯底去打邊爐。咁樣一次過滿足哂你幾個願望，一次過食到雞鴨豬牛，真係喺其他火鍋店無見過喎！個人特別大推加錢食埋個酸菜魚，魚塊足，湯底又夠鮮味，仲有好多配菜，好抵食。而家仲撞正推廣期，如果揀埋中同高價位火鍋套餐，仲可以無限時任食！既然係咁，我同朋友就一於揀左中價位，唔洗三舊水包埋食安格斯牛，一定要食啦！特別鐘意安格斯牛板腱，好夠肉味，口感比夠爽！而除咗用Qr code 可以點到牛肉類同海鮮類，係凍櫃仲可以揀到好多種類嘅火鍋配料，飲品同雪糕雪條。其中好欣賞一罐mojito！青檸做底，微甜，清爽易入口，解膩一流！服務員態度都非常積極，上菜快，環境乾淨，加埋性格比咁高，回頭率高！
聽其他朋友介紹呢間火鍋店，就去咗尖沙咀分店試吓！為咗早啲食完再行街，我哋6點就入去食。
坐低店員就介紹，原來係先食麻辣雞煲，鴛鴦鴨煲同黑椒豬手煲，之後再換新一煲，揀湯底去打邊爐。咁樣一次過滿足哂你幾個願望，一次過食到雞鴨豬牛，真係喺其他火鍋店無見過喎！
個人特別大推加錢食埋個酸菜魚，魚塊足，湯底又夠鮮味，仲有好多配菜，好抵食。而家仲撞正推廣期，如果揀埋中同高價位火鍋套餐，仲可以無限時任食！
既然係咁，我同朋友就一於揀左中價位，唔洗三舊水包埋食安格斯牛，一定要食啦！特別鐘意安格斯牛板腱，好夠肉味，口感比夠爽！
而除咗用Qr code 可以點到牛肉類同海鮮類，係凍櫃仲可以揀到好多種類嘅火鍋配料，飲品同雪糕雪條。其中好欣賞一罐mojito！青檸做底，微甜，清爽易入口，解膩一流！
服務員態度都非常積極，上菜快，環境乾淨，加埋性格比咁高，回頭率高！
Post
