Burger's Friend Forever (Closed)

之前係將軍澳食過，已經覺得質素唔錯，估唔到今日係旺角新世紀廣場食代館見到開左分店。哩到既漢堡選擇同將軍澳分店一樣，而購買任何漢堡加$10可以加配炸薯條或薯格，另外再加$10可以加配指定飲品（平日）。今次就同朋友叫左以下漢堡share👇🏻🍔鵝肝安格斯漢堡 $138麵包外脆內軟，鵝肝相當大舊，入口充滿油脂香，芝士係半溶狀態，份量亦好多，安格斯牛夠曬juicy，牛味濃郁，而底層既菜苗同黑醋汁正好中和油膩感。建議想加配既話可以揀薯格，夠香脆大件。🍔 迷你漢堡 （豬/雞/魚）$148每日只係限量供應20份，可以試曬唔同口味😆係超開心之選。三款都有唔同既配料，分別有菜苗、洋蔥同蕃茄，三款味道都唔錯，最推介炸魚，個醬汁同炸魚勁夾，非常好味😋整體黎講，旺角分店能夠保持質素，平時入唔到將軍澳試既話，去開旺角都可以試下。