放工搵左間雞煲食,出乎我意料地正😍
2
坐低先知原來一個價錢包唒雞煲同邊爐,仲有埋刺身、冷盤、炸物、海鮮拼盤等🤤
刺身好似放題咁放得好靚!而且新鮮肥美!
凍蟹好大隻,提供較剪同手套好方便食!
係我超級中意食嘅蟹膏,勁多膏😍而且蟹肉都好實好鮮甜
炸物有南瓜餅、炸蝦、餃子、章魚燒,份量啱啱好唔會食完飽唒😋南瓜餅好甜
冰火翡翠螺好好食!螺肉大隻爽口彈牙而且好入味!
食完就可以叫店員幫手炒熱個雞煲,雞煲勁多汁,我地叫左中辣好正!辣得黎甜甜地,仲有好多洋蔥同薯仔,雞件都好多肉好滑,真心唔錯!
1
食完雞煲就可以出去拎火鍋配料同轉火鍋湯底!
湯底好吸睛!食落好香辣味同香料味👍🏻入面本身都唔少魚片,魚片好滑好入味~
海鮮拼盤好豐富好靚!隻蝦好新鮮仲識郁😱鮑魚好爽口,落呢個湯底唔錯👍🏻沙白都好鮮甜多汁,正!
M7澳洲和牛油脂豐富,食落較滑,同牛板腱都好重牛味~
.
總括黎講呢個價錢可以食到咁多野仲可以食3個鐘真係抵食!見佢有生日優惠,下次約多幾個friend去先😋
