由開張到而家幫襯過好多次，初初黎既時候，每樣食物都做得好有水準，而且仲有好多主打食物推介。食完之後都叫朋友一齊黎encore~
但係經過大約半年時間，每一次去食，都一次比一次差，直到上次，真係難食到忍唔住埋單時同樓面職員講左句：『呢道d野食真係越黎越難食呀...』
鐵板安格斯牛肉粒 - 由初頭熱辣辣上枱，去到而家得三幾粒凍晒先上既牛肉....
刺魚 - 呢個先過份......同之前寫食評形容既一樣，自助餐任食限時，竟然order 6款黎2款，仲要等20分鐘，叫佢其他果d係咪冇晒，佢叫我再落.....再落又再等......
黎到之後仲要超唔新鮮....臭既刺身真係第一次食.....仲慘過返大陸食果d.....唉......
壽司- 呢樣先勁，叫5, 6款，最後黎左一件玉子壽司，其他skip晒!
天婦羅 - 又係放凍晒先上，連上面既粉都林晒....
我唔係要求食到日本既水準，但係兩個人俾左三百幾蚊之後，慘過食碗街邊街仔麵.....唉.....真係超失望....
而家唔好話介紹朋友黎，我自己都唔會再幫襯啦.....
