赤丸製麵所 (Closed)

昨晚7:45 去青衣城,經過這間店舖, 見條隊無咁多人排, 就好快決定等, 結果等了10多分鐘已經有位, 好過去其他餐廳 。 坐到埋去, 見點菜牌上好似多左 d 新野, 可能我已經兩年無去, 去親都係吃午餐, 今次試一下晚餐如何 ? 點了咖喱豚肉烏冬, 小朋友叫了一個天婦羅拉麵, 一個關東煮 加一碟煎餃子, 咖喱豚肉烏冬汁可以接受, 但烏冬頗為堅韌, 要咬幾啖先至呑, 賣相普通。 煎餃子, 味道同兩年前無走過, size 差唔多, 無乜特別; 天婦羅拉麵, 賣相得個 "清" 字同份量少得可憐, 兩隻蝦 sz 頗大, 味道可以, 但炸粉多, 小朋友平時最喜愛吃, 但吃了一隻就話夠, 因為個炸粉見到食到都好快飽 。關東煮, 非常失望, 一個清淡, 份量不多, 無記錯一碗為 34元. 有8樣野, 每樣一件, 部份個樣差不多, 都係魚蛋類別, 只不過裡面好似加多一條頭角物体為之一樣食品, 魚蛋一粒, 另一塊魚蛋是片裝, 混了好似葱物体又是另一樣食物, 感覺是 "物以罕為貴", 兩大一小為 HKD126.00 ; 食完係無驚喜, 無感覺, 份量少唔抵食 。看來又要抖抖, 寧願幫襯快餐滿足感大一點