Video
Read full review
2018-03-02
2191 views
2個月前上網book了，差不多一千一位。一去到，本身我地book左6點，有一個類似經理既物體走過嚟，話未ready好，要我地等到7點。FINE! 還掂佢個景都幾靚，咁影下影下時間都過得好快。到左6點9左右，有人叫我地入去坐。我本身book嗰陣已經揀好晒要食既野，個職員竟然話無。之後佢叫我即時揀，因為我地都中意食海鮮，叫左幾set都係海鮮。個職員話海鮮唔夠，睇下可唔可以換牛肉，咁我就話是但啦。唔通你無，我叫你即場跳落海捉幾隻龍蝦俾我咩？依個極不專業嘅管理，只係前戲。 真正既戲玉先至係岩岩開始。。。。首先，有個龍蝦湯，金寶罐頭d fd，叫做入得下口。之後，頭盤我地都叫左個海膽鮑魚。 我一食個海膽，腥到好似係街市賣剩嗰d魚。 之後再食佢個鮑魚，有一刻，我懷疑緊人生，我係咪去咗大排檔食煲仔飯，點解？ 因為佢個鮑魚係臘腸味，你冇睇錯，係臘腸味阿！ 我嚟淺水灣，你比舊不倫不類既臘腸味鮑魚我食？ 到主菜，都係打大佬既時候。 嗰碟咁既龍蝦意粉，意粉無味無再話下，可能經臘腸味鮑魚之後，我味覺已經開始受損。到龍蝦，我將一舊放落個口到，我感受到龍蝦嗰種倔強。 我將近咬咗3分鐘，舊肉都係未爛，我只好將一舊
一去到，本身我地book左6點，有一個類似經理既物體走過嚟，話未ready好，要我地等到7點。
FINE! 還掂佢個景都幾靚，咁影下影下時間都過得好快。
32 views
0 likes
0 comments
到左6點9左右，有人叫我地入去坐。我本身book嗰陣已經揀好晒要食既野，個職員竟然話無。之後佢叫我即時揀，因為我地都中意食海鮮，叫左幾set都係海鮮。
個職員話海鮮唔夠，睇下可唔可以換牛肉，咁我就話是但啦。唔通你無，我叫你即場跳落海捉幾隻龍蝦俾我咩？
依個極不專業嘅管理，只係前戲。 真正既戲玉先至係岩岩開始。。。。
首先，有個龍蝦湯，金寶罐頭d fd，叫做入得下口。
之後，頭盤我地都叫左個海膽鮑魚。 我一食個海膽，腥到好似係街市賣剩嗰d魚。
之後再食佢個鮑魚，有一刻，我懷疑緊人生，我係咪去咗大排檔食煲仔飯，點解？ 因為佢個鮑魚係臘腸味，你冇睇錯，係臘腸味阿！ 我嚟淺水灣，你比舊不倫不類既臘腸味鮑魚我食？
到主菜，都係打大佬既時候。 嗰碟咁既龍蝦意粉，意粉無味無再話下，可能經臘腸味鮑魚之後，我味覺已經開始受損。
到龍蝦，我將一舊放落個口到，我感受到龍蝦嗰種倔強。 我將近咬咗3分鐘，舊肉都係未爛，我只好將一舊變咗做橡膠物體既野吐左出嚟。 同時為佢默哀左幾秒，希望佢下一世生命可以做啲更有意義嘅嘢。
個牛肉係茶餐廳級數，算係呢餐之中最好食。
最後，到食甜品。我本以為甜品衰極有個譜，點知佢將我帶去另一個境界，亦都刺激返我既味雷，令我有返味覺。
個餅根本100%高濃縮糖精製造，食落去唔夠1秒已經吐返出嚟，我聽日都可能要book下牙醫check下有無蛀牙。
總括嚟講，食呢間野抌心情度，仲慘過你中六合彩之後唔見咗張飛。有生之年一次就夠。
Post
