Video
Read full review
2025-05-16
181 views
係香港飲食業價格愈來愈貴, 同埋水準愈來愈差既情況下, 大量內地品牌攻港。當中有好既, 亦有差既, 而依一間野, 就係差到冇得再差既代表。依間野外表睇落去唔錯, 當初我地成班人都係比佢外表吸引先選擇左佢。一上到樓上, 已經睇到佢地既管理有幾混亂, 一位女性員工完全唔知自己要做咩, 就想帶我地去一張留左枱比其他客人既大枱到坐。另一位男性管理層就問我地係唔係訂左枱, 我地話唔係, walk in既, 唔知佢係唔係廣東話差定點, 係咁鬼打牆不斷問我地係唔係訂左枱, 我地企左係到幾分鐘先成功令佢理解到我地唔係訂左枱既客人。到坐低左我地先睇到後面張大枱有一張細細地既memo紙寫住“留座”兩隻字, 好心就買返塊留座牌啦, 咁細張紙, 其他員工點睇到啊。終於坐低落得單, 一掃個QR code, error, 原來係要用微信先掃到。微信d小程式就出左名冇用, 又易hang機又慢過人。 我地本身想落1碗白飯, 結果個app神左, 點禁都冇反應, 到後面行得郁到個陣發現個app顯示我地想落20幾碗白飯, 好彩未落單姐。佢個廚房既設計係半開放式, 我地坐係出面係可以睇到晒佢地入面係點煮既。咁正常大家都係會朋
依間野外表睇落去唔錯, 當初我地成班人都係比佢外表吸引先選擇左佢。一上到樓上, 已經睇到佢地既管理有幾混亂, 一位女性員工完全唔知自己要做咩, 就想帶我地去一張留左枱比其他客人既大枱到坐。另一位男性管理層就問我地係唔係訂左枱, 我地話唔係, walk in既, 唔知佢係唔係廣東話差定點, 係咁鬼打牆不斷問我地係唔係訂左枱, 我地企左係到幾分鐘先成功令佢理解到我地唔係訂左枱既客人。到坐低左我地先睇到後面張大枱有一張細細地既memo紙寫住“留座”兩隻字, 好心就買返塊留座牌啦, 咁細張紙, 其他員工點睇到啊。
終於坐低落得單, 一掃個QR code, error, 原來係要用微信先掃到。微信d小程式就出左名冇用, 又易hang機又慢過人。 我地本身想落1碗白飯, 結果個app神左, 點禁都冇反應, 到後面行得郁到個陣發現個app顯示我地想落20幾碗白飯, 好彩未落單姐。
佢個廚房既設計係半開放式, 我地坐係出面係可以睇到晒佢地入面係點煮既。咁正常大家都係會朋友之間傾下計, 好少可會咁八掛咁係咁去望人地個廚房做緊咩既, 但偏偏佢個半開放式廚房係有分外廚同內廚, 出面條友每分每刻都係到用佢難聽既濃厚方言普通話係到同內廚既人大聲溝通緊, 令到餐廳既氣氛變左做街市大排檔咁。你想講野既話就要大大聲, 唔係就會比佢把聲淹沒。咁係佢聲音既干擾下, 我地一行人就頻頻咁望向廚房, 好死唔死咁睇到佢地D餸都係事先製作好既菜!! 唔係係一包野到剪出嚟倒落碟到, 就係係個街市買餸膠袋咁既包裝袋到倒出嚟。大佬, 人均150以上既餐廳, 你比一堆預製菜我地食, 仲要好死唔死比人睇到, 邊到仲會再去啊?
結論嚟講, 依間餐廳絕對唔會推薦大家浪費錢去食, 混亂既管理、冇用既落單方法, 再加上百幾蚊比預製菜客人食, 衰D咁講句, 我去對面街食2餸飯唔好? 人地先35蚊, 仲要係自己炒既, 你話係唔係?
Post
