Boy n Burger (Closed)

作為個漢堡愛好者，一定會四圍尋找好食嘅漢堡。朋友帶咗我嚟呢間美式快餐漢堡店。分別點咗招牌炸雞漢堡同德州脆雞堡。一樣都係雞肉，但係口味完全唔同。招牌炸雞漢堡:炸雞相當之厚，入面有好多菜同埋幾片薄切蕃茄，醬斗係酸酸哋嘅沙律醬。第一口咬落去係估唔到咁清新，一啲油膩感都無。而炸雞都好脆。德州脆雞堡: 配料有脆煙肉粒、芝士。而醬汁係惹味嘅燒烤醬。而雞嘅部份係選用雞腿肉，咬落多脆，入面充滿肉汁。呢個漢堡相比下就比較重口味。另外仲加配咗厚切薯條同青蘋果沙律。厚切薯條食得出就即炸，新鮮脆口。青蘋果沙律非常清新，酸酸甜甜，都係一個唔錯嘅選擇。而飲品就揀咗汽水，店員會俾杯冰我哋自助斟。餐牌上仲有好多唔同款嘅漢堡，下次經過都會再嚟試下。