巧饍坊(素食) (Closed)

一星期食一次素，清清腸胃，上到一樓見到幾間餐飯，喱間素食餐廳中式裝潢，燈光明亮，感覺坐得舒服。茶位$5/位，叫咗經典素菜-荔芋酥魚，外層一咬酥脆香口，內裏的芋泥綿綿，再以甜酸汁搭食，非常搭配。鮑參翅肚羹$38/一碗 ，用了黑木耳和金菇做材料，再加入紅醋。啫啫時菜煲，可揀通菜，生菜，白菜仔，配料有打碎豆腐干和茶樹菇，鹹香味會比較濃。乳香肉鬆炒蓮藕片，份量多，配飯食一流，蓮藕片非常爽口。下次叫多啲人食可以試下個六人套餐。