芝脆雞 (Closed)

9-7-2011(Sat)同男友返荃灣,同佢整啲o野後出發買少少o野後順便食o野,買完o野就o黎呢間,同男友先攞埋menu坐低睇.我唔係咁肚餓,男友就餓,睇睇吓,見到有下午茶,我就決定要$19.00有兩款小食o既,男友就要$24.00意粉加一個小食o既,我揀o左甜酸雞中翼三隻同朱古力窩夫兩件,男友要肉醬意粉同韓式熱狗棒一條,大家都飲汽水.等o左一陣,男友o既肉醬意粉到o黎,唔係好大碟,不過都預o左.我覺得唔夠惹味,肉醬唔多,意粉都煮唔夠,有啲硬.之後竟然係我o既朱古力窩夫到o黎,我o地要趁熱食喇,窩夫脆同熱,朱古力漿唔太甜,OK o既.然後韓式熱狗棒同甜酸雞中翼一齊到,我先食後者,甜酸程度比較微,雞中翼卻煎得香口,唔錯.而韓式熱狗棒呢,外面用厚薯蓉包住雞肉腸o黎炸,薯蓉淡淡的,唔係男友話我知係薯蓉,我根本冇諗過,呢個麻麻地.環境:道唔係自動門壞壞地,好難趟.冷氣唔多夠.衛生:有烏蠅,今次有相為證.其他:寫食評至知原來Openrice有呢間o野o既優惠劵,唔怪得當日o既tea同夜晚(晚餐都o係o度買啲o野)都有咁多人啦.