呢間嘢係任食嘅，有魚生、有前菜、有湯，亦都可以任拎啲肉返自己枱燒。我哋先來一輪魚生攻勢，啲魚生幾新鮮，都有日式料理嘅水準。啲湯都好有驚喜，我哋未開始燒肉都飲咗兩碗。然之後我哋開始燒肉，雞翼牛柳粒豚肉等等，另外我哋又嗌咗啲翠玉瓜過嚟燒，正到不得了。啲肉都幾新鮮，燒落非常之有水準，完全係超出我哋嘅預期。我哋都燒左好幾輪。
食到飽飽地，出去沖個茶飲，佢有好多種唔同嘅茶葉，我哋仲可以將幾種茶葉溝埋做一種新嘅Cocktail茶出嚟，最後點都唔少得甜品，我哋嗌咗啫喱。
食完飽到晚飯都唔使食，扶住牆咁行返出去。
