滷友記 (華都中心)

Open Now

Now Closed

今晚一家三人出去食晚飯，去左荃灣《滷友記》食台灣料理。餐廳光線充足，乾淨企理，有幅漫畫牆非常吸引！我哋叫左2個飯，2個小食。台式酥炸雞扒飯$59 炸雞扒即叫即炸，上枱熱辣辣，🐔雞扒外層香脆可口，裏面肉質柔軟嫩滑，好有層次感。佢哋的雞扒飯會有一小碗肉燥分開上比我地，用佢嚟撈飯食好味呀！滷友豚三寶飯$58  🐖豚肉三寶有五花肉，豬大腸和豬肚，五花肉肥瘦均勻，廚師把五花肉炆得剛好，好容易咬開，入口五花肉的油脂係口溶化，散發著油香味。豬大腸洗得好乾淨，廚師將大腸煮到好諗，好容易食。豬肚的滷水味非常突出，豬肚彈牙爽口好好味，再加秘製滷水汁用嚟撈飯，淋落白飯🍚度食，即刻提升味道，增進食欲，皮碗飯都食得曬。蒜香炸豆腐$30 上枱熱辣辣，🫘豆腐沾粉漿即炸，外層酥脆可口，裏面嫩滑。豆腐表面仲灑左炸蒜粒🧄、椒鹽和蔥，令味道更上一層，👍白灼秋葵，$30 秋葵用滷水浸住上枱，令本身淸淡的秋葵沾上滷水味，味道更有層次。