今日我地十幾個人出佐敦食lunch, 好擔心會搵唔到位啊, 無意中走到龍堡酒店對面條街先知原來呢度有好多咖喱屋。其實對於咖哩我就冇咩認識既, 淨係食過下幾次咁, 既然又有位,
就不妨試一下啦
佢地lunch set有好多選擇, 在此之前每人先會有一小碗忌廉湯同脆餅。塊餅咸咸地辣辣地都幾開胃架。Menu係英文既,
有啲菜色用佢地既語言直譯, 講真真係唔知係咩…我地主要都係想食咖哩, 冇揀到kebab之類既野食, 目標為本,
冇所謂啦。我當時見到south Indian curry
同home made curry係有少少困惑既, 唔知真正有咩分別。但總之最後就揀咗South Indian Curry配魚同印度薄餅(Naan)加涷咖啡。越南/泰國餐廳既咖啡味道同一般咖啡唔同就大家都知, 咁印度餐廳呢?試完之知之後我先發現: 係冇乜既。係幾香既, 不過冇咩特點。
到大家既主菜陸陸續續上枱,
我就終於理解到每一種咖哩既分別喇。其他人既我冇試到, 不過明顯South Indian Curry係落多好多椰奶, 聞落去真係有甜甜地, 都幾開胃架。魚既份量好多,
夾上咖哩既味道唔會太濃, 印度薄餅既份量先至令人讚嘆啦。一個午餐比三至四大份, 平時啲咖哩屋兩塊架咋嘛!我地全女班, 根本冇一個人食得完自己個lunch lollll幾大食都唔驚啦。不過講真, 啲餅就唔係話特別熱辣香脆乜乜乜既。如果可以再新鮮滾熱辣啲就更好。
埋單計數, 唔洗加一每人62蚊, 其實咁既價錢就真唔貴啦, 所以我係收貨既!
