Video
Read full review
2019-12-10
56 views
今晚咁凍又肚餓唔洗講梗係要去打邊爐啦! 就去每次經過登打士街都見到佢個大招牌既阿爺八鮮鍋, 見佢3百幾蚊任飲任食乜都有咁最緊要係今日好想食海鮮, 依度連海鮮都係任食, 唔洗諗就上去食!精選燉湯今日係木瓜雪耳燉湯, 原盅咁上一人盅, 清清甜甜似乎冇味精, 坐低就飲盅湯暖暖胃好舒服!避風塘茄子天氣凍個人都為食D, 想食D香口小食就叫左個避風塘茄子, 炸粉薄薄咬落有薄脆既感覺, 茄子腍身熱辣辣, 外脆內軟!刺身盤先食刺身, 平時食既刺身盤會有既魚生依度都有, 而且三文魚同大大隻牡丹蝦都好新鮮肥美, 最驚喜係竟然有象拔蚌刺身!麻辣花膠雞煲花膠雞煲可以揀辣OR唔辣, 我地梗係要惹味既麻辣啦! 炒佢兩炒, 渣渣聲之餘香到不得了, 聞到都流口水。 大大塊花膠, 連雞都入哂味, 雞半隻左右份量岩岩好, 要留肚食海鮮呀!!!海鮮盤竟然有原隻龍蝦平時一般都係送半隻, 原隻龍蝦放入口真係好爽, 肉質彈牙又大隻, 即刻覺得勁抵食緊龍蝦既同時, 隻鮑魚就係面前旭下旭下好生猛, 唔洗講食落有幾鮮味啦! 仲有我地其實係蝦怪黎, 平時有買開蝦就知, 依度既係海蝦, 肉質更彈牙同鮮甜, 依間餐廳D海鮮真係靚野黎
精選燉湯
今日係木瓜雪耳燉湯, 原盅咁上一人盅, 清清甜甜似乎冇味精, 坐低就飲盅湯暖暖胃好舒服!
避風塘茄子
天氣凍個人都為食D, 想食D香口小食就叫左個避風塘茄子, 炸粉薄薄咬落有薄脆既感覺, 茄子腍身熱辣辣, 外脆內軟!
刺身盤
先食刺身, 平時食既刺身盤會有既魚生依度都有, 而且三文魚同大大隻牡丹蝦都好新鮮肥美, 最驚喜係竟然有象拔蚌刺身!
麻辣花膠雞煲
花膠雞煲可以揀辣OR唔辣, 我地梗係要惹味既麻辣啦! 炒佢兩炒, 渣渣聲之餘香到不得了, 聞到都流口水。 大大塊花膠, 連雞都入哂味, 雞半隻左右份量岩岩好, 要留肚食海鮮呀!!!
海鮮盤
竟然有原隻龍蝦平時一般都係送半隻, 原隻龍蝦放入口真係好爽, 肉質彈牙又大隻, 即刻覺得勁抵食緊龍蝦既同時, 隻鮑魚就係面前旭下旭下好生猛, 唔洗講食落有幾鮮味啦! 仲有我地其實係蝦怪黎, 平時有買開蝦就知, 依度既係海蝦, 肉質更彈牙同鮮甜, 依間餐廳D海鮮真係靚野黎另外仲有花蟹仔, 貴妃蚌同大蜆等等, 海鮮選擇真係算多, 一個盤係放唔哂咁多款海鮮, 之後我地仲叫多幾ROUND, 星斑片蟶子等等, 都有比足我地添!
除左海鮮同刺身, 點都要叫下其他火鍋配料既, 安格斯牛肉不得不點, 有油花食落好香, 墨魚滑彈牙, 響鈴仲係即炸既添! 食飽左都忍唔住叫多幾round, 滿足到呢最後試左少少餐廳自製靚甜品, 朱古力雪米滋同桂花椰汁糕, 連甜品都幾有水準, 桂花椰汁糕好好食
相比起同類型放題店, 依度既海鮮種類選擇確實係比較多, 而且海鮮任食唔係度度有, 中意食海鮮既一定盡興而回!
Post
