新香園 (堅記)

Open Now

Now Closed

今日約左好朋友去掃街，去食openrice擁有較多食評既餐廳本來，諗住唔食早餐，等我呢個黑洞去吸哂啲好嘢食 點知最後都係食左 ............ (￣▽￣)第一站, 深水埗新香園! 明明成日經過呢到，都要搵左一陣先搵到。入到門口，燈光明亮，但唔係好乾淨，未到中午時間已要搭檯。可能係舊式茶餐廳關係，環境唔太好係我預料之中，但我就真係無諗過逼到咁，(ﾟ ∀ﾟ ;)嗌左一個火腿三文治同餐肉三文治。我想睇下佢無話''馳名''既食物味道係點。個個都嗌蛋牛治，真係有咁好食？(￣∀￣ノ)一碟有兩件，一碟$9。同朋友開心share，一款食一件。火腿三文治 麵包，凍既。火腿，都係凍既。硬邦邦咁，好似食緊擺左係到好耐既野食咁，老老實實，麻麻地。嗚嗚，原來唔係馳名既野食係真係無咁好食架 餐肉三文治 好食十倍，餐肉夠熱，所以個麵包都微暖。麵包無烘，但無減低美味程度，搽係麵包上面均勻既牛油令人食欲大增，牛油同餐肉相輔相成，缺一不可。Finally，餐肉三文治只係平凡既食物，但我食得出點點味道。當中，當然包括人情味。