我早放工，喺呢度排隊，好彩佢都易等到。
去到坐低之前要先點咗食咩嘢先，覺得啲定價都真係好抵，怪唔得之咁多人食，因為佢啲白飯同湯同蔬菜都係可以無限追加嘅。一定會食得飽，只係揀要食幾多舊漢堡肉。
漢堡上面加上蛋真係超好食，再撈埋啲蛋汁喺個珍珠米度，好正！
每個位嗰度都有個推薦食法，我真係有跟住佢推薦嘅醬汁咁食，真係會有呢啲好特別嘅味道㗎
佢個湯好有鮮味，又有蕃茄又有菜同埋又有啲蜆肉可以食我覺得真係好抵
佢每一塊漢堡肉都會逐件上俾你。
仲要叫芝士呢一嚿真係震撼到，因為佢會除咗喺上面加塊芝士之外，都會即場磨啲芝士碎俾你，我覺得超好食
