一直好想試吓呢間餐廳嘅食物，今日就一於過嚟試吓餐廳的自選四款串燒套餐。顧名思義呢個套餐有四款串燒，另外仲有一份自選飯團，主菜，沙律和味噌湯，套餐非常豐富。
最欣賞佢嘅飯團，充滿米香味，麵豉味又極香。串燒和炸物都係即叫即制，新鮮又好味😋
👍👍👍👍👍👍👍👍👍👍👍👍👍👍👍
1️⃣燒飯糰（麵豉味）口感香醇、飯糰以麵豉調味，鹹鹹香香，飯糰外層燒到香脆，表面形成薄薄一層飯焦，入邊嘅飯粒鬆軟，煙煙韌韌好有口感。🍙
2️⃣柚子豚肉酸酸甜甜又好香柚子味，有子有效中和左豚肉帶的油脂，令味道更清新。🍊
3️⃣牛舌一大片份量豐富。牛舌柔軟又彈牙，味道濃郁，仲有陣陣煙熏香味。👅
4️⃣牛肉串燒，牛肉原材料原汁原味，燒嘅時間和火候啱啱好，牛肉嫩滑有多汁，食到舔舔脷。🐂
5️⃣雞胸軟骨，軟骨爽脆充滿骨膠原，連住胸肉嘅地方帶有少少油脂，令雞肉更滋味。整件雞胸軟骨用脆漿包住拎去炸，炸出嚟新鮮熱辣，加上椒鹽粉味道更惹味。🐓
