最衰今日冇得早收工，如果唔係七點半前埋單仲可以平$100🥺
一行二人叫左一個套餐再加小食，仲有兩杯特飲，估唔到又抵食又好食👍🏻
（特別要讚係店員好有心機解釋每款食物飲品，服務態度非常好！）
如餐牌所見，依個和牛壽喜燒套餐係好多野食，質素幾唔錯！
首先想講講依個清酒生蠔，本身佢既日本生蠔已經好鮮甜，個人覺得比得上出面幾十蚊一隻既法國蠔，店員教可以浸十幾秒清酒再食，令蠔肉帶上淡淡既清酒香，重點係清酒仲可以飲埋！好易入口，好香甜。😋
刺身大大份，而且每一款都夠鮮甜同埋非常厚切！👍🏻
串燒方面，燒牛肉真係好好食，皮帶點香脆，入面夠多汁，差少少忍唔住叫多份！🤣
雖然我地無另外加$100 upgrade食日本和牛，但估唔到本身隻牛既質素都好好，油脂分佈夠靚，壽喜燒湯底香濃，又多蔬菜，個底仲要有薯粉，正！🤤
我地另外叫左兩杯特飲，一杯菠蘿清酒，一杯柚子清酒。好想推介柚子清酒比大家，因為好清新，而且仲有好多果肉，又唔會太甜。🥺👍🏻👍🏻
小食方面，我地叫左魚仔（送酒一流），和牛他他（牛味香濃，夾住漬物洋蔥，味道好match），牛肉卷（好有牛味，而且唔韌）。
總結就係好抵食🤣
P.S. 啲碗碟同擺設好得意😝
