Wing Kee Noodle

即使好多人排隊，都一定要試一次，因為佢地既料同湯底都好正好正，好少食到車仔麵既料係咁入味，因為好多都係靠個沙嗲醬，而佢地則係煮到咁入味，真係唔講得笑。
例牌跟油麵，要左好甜既蘿蔔，煮到變晒色既翼尖，仲有牛筋同魷魚，鍾意食濃味既我好岩胃口，因為唔係得個咸字，而係有好多層既香味、同埋甜味，好難形容0個種口感，最後連湯都飲左大半，埋單都係廿五蚊！
當然要彈既係環境真係好迫，而且落單D姐姐愛理不理，不過一向係咁，都慣左了。