Video
Read full review
2019-10-22
73 views
同個朋友都係住附近 成日搭車番屋企經過都會見到哩間魔芋麻辣雞 夜晚經過仲要特別多人 終於今日我地兩個都放假 就搵左個應該無咁多人既時間6點去食 去到果然無咁多人 老闆娘仲好熱情係咁推介有咩好食🤤🤤我地兩個女仔都叫左唔少野 有香煎剁椒黃花魚同咕嚕肉 當然唔少得佢地既招牌魔芋麻辣雞煲 我地就叫左半隻 另外仲加左油麥菜先講下個招牌魔芋麻辣雞煲(半隻小辣) 本人本身對魔芋無乜興趣 仲諗住雞煲加魔芋會好奇怪 點知竟然有驚喜 個魔芋食落爽口又彈牙 仲要吸晒湯汁 好夠味👍👍 不過d雞先至係主角 舊舊都咁滑同好多肉 就算叫左半隻份量都唔少 食譚仔食開3小辣既我叫小辣就岩岩好 我地仲加左個$38油麥菜 $38竟然有咁多 CP值好高🤤再黎就係老闆娘推介既香煎剁椒黃花魚 果然無介紹錯👍 條黃花魚仲滑過豆腐花 個皮煎得勁脆 脆到連個魚頭都可以食埋 唔講仲以為係炸唔係煎 而且無乜骨 岩晒好怕魚骨既朋友 d剁椒酸酸辣辣好過癮 不過得半條唔係好夠食 我同個朋友都爭住食😂😂最後仲有個咕嚕肉 一食落口竟然有陣鹹蛋味 唔知係未炸粉加左鹹蛋 食落好香口 而且係咕嚕肉唔係咕嚕排骨 所以咬落啖啖肉 d肉都好嫩滑 岩晒食肉獸 個
我地兩個女仔都叫左唔少野 有香煎剁椒黃花魚同咕嚕肉 當然唔少得佢地既招牌魔芋麻辣雞煲 我地就叫左半隻 另外仲加左油麥菜
先講下個招牌魔芋麻辣雞煲(半隻小辣) 本人本身對魔芋無乜興趣 仲諗住雞煲加魔芋會好奇怪 點知竟然有驚喜 個魔芋食落爽口又彈牙 仲要吸晒湯汁 好夠味👍👍 不過d雞先至係主角 舊舊都咁滑同好多肉 就算叫左半隻份量都唔少 食譚仔食開3小辣既我叫小辣就岩岩好 我地仲加左個$38油麥菜 $38竟然有咁多 CP值好高🤤
再黎就係老闆娘推介既香煎剁椒黃花魚 果然無介紹錯👍 條黃花魚仲滑過豆腐花 個皮煎得勁脆 脆到連個魚頭都可以食埋 唔講仲以為係炸唔係煎 而且無乜骨 岩晒好怕魚骨既朋友 d剁椒酸酸辣辣好過癮 不過得半條唔係好夠食 我同個朋友都爭住食😂😂
最後仲有個咕嚕肉 一食落口竟然有陣鹹蛋味 唔知係未炸粉加左鹹蛋 食落好香口 而且係咕嚕肉唔係咕嚕排骨 所以咬落啖啖肉 d肉都好嫩滑 岩晒食肉獸 個汁酸酸甜甜好解膩👍👍👍
我個朋友平時係雀仔胃 去爭鮮食3 4碟就飽既人 但係最後竟然只係食淨左少少咕嚕肉要打包 其他都清晒 證明有幾咁好食啦🤤🤤🤤 埋單都係$399 每人$200食到捧住個肚走 一定有下次呀！！！
Post
