Chill Inn (Closed)

第一次嚟到E-Max食飯，以為喺九龍灣搭穿梭巴士嚟要好耐，點知都係十分鐘內就到，真係幾方便。Chill Inn嘅裝修好有情調，燈光好柔和，座位又闊落，真係令人心情都好啲。睇Menu見到有好多好吸引嘅新式東南亞菜，最後嗌咗一款主菜、兩款小食同埋兩杯嘢飲。檸檬葉燒法國春雞燒春雞嘅賣相超級靚，兩個人share，份量啱啱好。雞皮燒到脆脆哋，雞肉好嫩好多汁，仲食到啲檸檬葉味，真係好特別。咖喱蝦兵蟹醬法包聽店員介紹嗰陣已經覺得好吸引，結果真係冇介紹錯。法包上面嘅蝦膏蟹膏好濃好香口，食落好鮮甜，一啲都唔咸，同埋個法包一齊食，真係好正，下次一定要encore。蜜糖豬頸肉豬頸肉嘅份量都幾多，食落好新鮮，肥瘦適中，仲有蜜糖嘅甜味，好好食。個人好鍾意佢配埋嘅醬汁，辣辣地咁好特別，真係估唔到同蜜糖豬頸肉會咁夾。焦糖朱古力奶昔上面嘅焦糖、朱古力醬同cream真係好正，啲奶同埋朱古力嘅比例都啱啱好。凍泰式奶茶同之前喺泰國飲到嘅泰式奶茶一模一樣，夠晒甜，同啲菜式好夾啊。