我地叫左2杯啤酒送串燒，一上黎不得了！！大推燒乾坤釀乳鴿，入面有係蝦膠同豬肉，點老闆特製既青蜂蜜芥末醬好好味，中式啲既都可以點喼汁，呢個心之作都只係$78咋！！
店長推介既汁燒百花釀甲羅好有鮮味，有蟹膏同蟹柳之外，估唔到最底有蝦膠舖底，一次過食口感好正，呢個2個人share都好ok，都係 $78。
黑松露燒珍寶帶子串 $48，好多黑松露醬係面！！夾係中間既係一小塊栗米片，擺落口食得到三種層次，係帶子既嫩同栗米片既脆同黑松露醬既creamy😌
椒鹽鮑魚 $68上面有啲炸蒜粒，鮑魚好新鮮，食落好惹味～
同埋厚切牛舌 $28，兩大片牛舌絕無欺場，上面有啲甜甜地既燒汁，食完都唔覺膩。
安格斯一口牛 $33 就正正常常，、燒五花腩串呢個好抵叫，忍唔住要encore，$23有兩大片，醬汁甜甜地辣辣地，食到停唔到！
蒙古燒韮菜 $16 就有小小鹹，但勝在有返啲菜中和下，好似健康啲咁🤣
燒大虎蝦 $48 新鮮彈牙、芝士煙肉燒蠔 $26隻，野飲就叫左蘋果酒同菲律賓手工啤，送串燒一流！！
