牛石料理 (Closed)

今日同阿女去食lunch,叫咗兩個餐，後來發現其中一個餐同學生餐一樣，問女侍應有什麼分別，她説沒有，但兩個餐係相差$30，後來我發現其實分別在於貴啲那個多一客蒸蛋，之後收銀那位女士過嚟問我吃了蒸蛋未，我說已吃了，佢話咁無得改，其實我都諗住算啦，佢跟住話都係相差十幾蚊啫，我話兩個餐相差$30喎，既然佢咁講，我咪問佢一客蒸蛋幾錢？佢居然答我唔定㗎！😳佢話日頭同夜晚唔同價，咁我問佢咁而家係幾多錢，跟住佢又話日頭冇，再問咁一客係幾多錢，然後佢答五十幾蚊（餐牌上$50幾蚊那個是蟹肉蒸蛋，我想說明阿女食嗰碗係冇蟹肉的）其實改唔到都冇問題，係在乎佢嘅態度（可能佢係老闆娘）跟住仲話下次睇清楚先叫，我話個餐牌你哋應該最清楚，咁點解唔係你哋有責任提醒顧客嗎？我同佢講一定冇下次囉😡😡😡後來佢攞張單埋嚟同我講做番個學生餐價比我，no way, 那$30我仲比得起，我食咗一定會比足錢，所以埋單我都係比番原價，就算有幾好食，都係冇下次。另外，阿女食食下蒸蛋有隻蚊滋飛咗落去