黎到依邊真係咩都有得食，火鍋又好，串燒又好，實係唔止一間係左近
岩哂我依啲為食鬼
行過見到依間燒串煲，原來係主打雞煲同串燒
其實我最主要係俾依個畫得甘得意既牌吸引左入黎
我幾鐘意依間餐廳啲坐椅，真係坐得幾舒服，一大班人坐成晚食住雞煲串燒，傾下計，確係一流
餐牌上面選擇好多，有雞煲，串燒，亦有火鍋配料
今日試下距啲串燒先
首先依個牛舌，燒得好好，外面有小小焦香，火侯控制岩岩好
裏面非常多汁，而且軟嫩
燒雞胸軟骨，我都係第一次食，雞軟骨就食得多，依個雞胸軟骨更有咬口，表層都好甘香
燒貴妃蚌，海鮮其實新鮮都無得唔好食，加上火侯岩岩好，唔会燒老左，加上少少適當既調味，已經好好食
餐廳亦有手工啤供應，配合反串燒，絕對完美配撘
食物絕對食得出有心思
價錢亦都唔離地下次一定再試埋其他野食先
