Uncle Ching From Kuching (Closed)

收工去囍帖街附近食野，點知度度都要排隊，見到呢間餐廳啱啱有人走，有位就衝咗入去。不過店面有d細，而且座位都唔算多，相對黎講比較逼。餐廳供應嘅食物款式唔太多，見大部分人都主要叫呢兩樣野食就跟住試下。Sarawak Laska ($69)係馬來西亞款式嘅喇沙，有別於平常食慣嘅新加坡喇沙，而配料主要有鮮蝦，雞絲等。湯底十分濃，但唔知係唔係食唔慣呢種味嘅喇沙，感覺怪怪的，而且感覺上唔太香，味道一般般。Kolo Mee ($69)係一個撈麵，配料有菜芯，叉燒，魚蛋同炸咗嘅碎豬皮等，而店家都提供咗一碗炸蒜湯，可以醮麵食。但同樣地唔知係唔係食唔慣，感覺麻麻。而總括而言呢杯Calamansi soda($22)係今餐最好嘅，佢係話梅青檸梳打，酸酸甜甜梳打最適合解喝。