Chop Chop 食神叉燒 (新城市廣場) (Closed)

近期都係叫外賣，都好耐冇食燒味。叫咗招牌暗然銷魂飯，當然唔少得係有蛋、叉燒。食神叉燒主打嘅係叉燒，呢度嘅叉燒幾特別，係薄切，而且叉燒肥美，適合鍾意食肥叉嘅人。而且仲有一隻蛋，飯嘅份量好多，飽飽。另外、亦都有中式小菜。叫咗咕嚕肉，咕嚕肉味道剛剛好，甜甜酸酸，肉唔會太肥。呢個幾好食，而且咕嚕肉份量亦都好多，仲有青椒、菠蘿等等配菜。食神炒飯夠鑊氣，炒飯顏色夠深，味道唔錯，不過咸咗啲啲。我反而覺得炒飯同咕嚕肉更出色。