鹵家

兩年前，因為A姐化妝扮靚遲咗出門口，食唔到元朗鹵家嘅鎮店之寶— 食神叉燒。今日，我哋決定再戰元朗鹵家，誓要食到食神叉燒！點知上網check下，發現昔日只有十個位嘅小店搬咗大舖，闊落好多！

住家老火湯
是日靚湯係粉葛豬骨湯，啱晒依家濕氣重嘅天氣，去下骨火！入得出無落味精，十分足料！

住家老火湯

食神叉燒飯
今次終於食到食神叉燒，叉燒肥瘦適中，肉質鬆軟，燒得啱啱好，外面有少少焦，好香口！唔怪之得，個個入嚟都係叫叉燒啦！再配埋流心蛋撈飯，真係無得彈！

食神叉燒飯

秘汁鹵家鴨米線
特別喜歡鹵家鴨另上，保持香濃嘅秘製醬汁，鴨肉入晒味，肉質一啲都唔一靭，酸梅醬更提升味道！

秘汁鹵家鴨米線

秘汁鹵家鴨米線

話梅涼瓜片
鍾意食話梅或都酸味嘅朋友一定唔可以錯過話梅涼瓜片呢個冷盤小食，涼瓜片入晒話梅酸味，非常醒胃！

話梅涼瓜片

鹵水雞翼
話明係鹵家，就當然要食鹵水啦！呢到嘅鹵水唔係得咸味，入口後有回甘，雞翼鹵到入晒味，四隻唔夠喉。

鹵水雞翼

海蜇醉鴨舌
海蜇爽口彈牙，好香麻油味；鴨舌有淡淡嘅酒香味，好過癮！

海蜇醉鴨舌

By A姐M佬 玩樂日記 aandmdiary.com