微笑韓國料理 (Moved) New Location

要係香港食韓國菜，本身就唔平，而且通常都只係韓燒或是韓式炸雞。如果要食到韓國家庭料理更是難上加難。由於小編最近睇Netflix，中左韓劇毒，見佢地d韓國料理，食得津津有味，心思思想食下韓國家庭菜。去韓國街見到喱間小店，有d韓式家庭料理，而且價錢都唔貴。咁當然要入去試一試啦。餐廳評分 (最高為5️⃣)味道 ：😻😻😻😻環境 ：😻😻😻Cp值：😻😻😻😻服務 ：😻😻😻😻價錢：😻😻😻由於睇太多劇佢地都係食紫菜包飯，咁我當然要食番個正宗既紫菜包飯啦。咁我地就要左個炸蝦紫菜飯($78) ,紫菜飯食落都有d微温，而且炸蝦應該係新鮮炸，相當鬆脆。本身諗住就咁一條都要成80蚊，好似有d貴，但原來佢份量都幾多。個紫菜包飯入邊有好多材料，所以都值既。由於我地係兩個人食，所以叫多左個套餐五花肉生菜配大醬湯，有韓式既醬汁食5花肉，真係特別好食。生菜清甜配上五花肉咁食，不會太油膩。大醬湯 第一次食，味道都10分特別，鹹鮮味為主，送上白飯食一流。而且餐廳既三小碟係可以無限提供，店員服務態度都好好，好親切，不停幫我地加水，補韓式三小碟。