川婆婆 (Closed)

一直都想食試既九宮格火鍋，終於等到朋友生日有人同我食。星期四8:30去到已經勁多人，勸大家想食記得book 位 唔係有排等。入到去店員即刻好好咁問我地要咩鍋，唔夠5分鐘個鍋已經上到檯面。點菜時，店員都好好咁同我地講當晚火鍋料有5.8折，真係抵到爛啊😍😍😍咁我地當然狂點啦見OpenRice 大家都話要點既鬼馬蝦滑，個人感覺相當麻麻，油炸鬼吸左湯底反而覺得相當怪。唔推薦。安格斯牛肉係必必點既食物，牛肉係麻辣湯中浸過牛味都依然相當濃，好味到我地叫多碟。其他火鍋配料都不錯，個人推廣食麻辣湯底一定要加個薯仔片，吸晒啲辣湯加上粉粉地既口感，相當開胃。另外，麻辣魚皮都係必點，夠香夠麻食唔停。店員都相當有禮，不時都主動幫忙加湯唔洗叫。