Video
Read full review
2020-05-27
26 views
近排心血來潮好想食台灣野，知道九龍城有一間都幾文青既小店，有燒肉又有台灣菜食，選擇都幾多，而舖頭個名又幾得意，就搵左日放工專登去試下。餐廳係行文青路線，木枱白牆，特別既係牆上有霓虹燈字既掛飾。坐位比較適合１至４位朋友傾下計，一大班人黎就可能會迫啲。呢到食物選擇頗多，除左台式餐廳最常見既飯麵外，仲可以食到台式燒肉，不過我今日主要試飯麵。鹽酥大大雞扒配魯肉飯鹽酥雞係一個難以抗拒既選擇。果然有驚喜，大大塊雞扒誇張到大過塊面，起碼２～３人分都ＯＫ，而且炸到外脆內ＪＵＩＣＹ，仍然好嫩滑，調味亦鹹度適中。識食一定要配埋魯肉飯，肉係鹵得好入味，又唔會感到油膩，食大碗飯食晒仲意猶未盡！川辣紅燒牛肉刀削麵川式＋台式令牛肉麵味道更加升華，因為我本來係一個嗜辣既人，所以辣味令成碗麵更加惹味，又減低膩感。湯底亦係一貫濃厚既牛湯，帶有淡淡藥材香，值得一試。牛肉啖啖肉，帶少少軟筋，好軟腍入味。千層三星蔥拉餅兩個人仲叫個蔥餅試下。不過就冇得好似台灣既手抓餅咁可以有夾配料，只有淡淡蔥香。總體黎講，呢到既價錢中上，不過份量就非常足，而且味道都幾地道，會再黎試。店舖亦好有心，準備左兩個口罩套送比我地
餐廳係行文青路線，木枱白牆，特別既係牆上有霓虹燈字既掛飾。坐位比較適合１至４位朋友傾下計，一大班人黎就可能會迫啲。
呢到食物選擇頗多，除左台式餐廳最常見既飯麵外，仲可以食到台式燒肉，不過我今日主要試飯麵。
鹽酥大大雞扒配魯肉飯
鹽酥雞係一個難以抗拒既選擇。
果然有驚喜，大大塊雞扒誇張到大過塊面，起碼２～３人分都ＯＫ，而且炸到外脆內ＪＵＩＣＹ，仍然好嫩滑，調味亦鹹度適中。
識食一定要配埋魯肉飯，肉係鹵得好入味，又唔會感到油膩，食大碗飯食晒仲意猶未盡！
川辣紅燒牛肉刀削麵
川式＋台式令牛肉麵味道更加升華，因為我本來係一個嗜辣既人，所以辣味令成碗麵更加惹味，又減低膩感。湯底亦係一貫濃厚既牛湯，帶有淡淡藥材香，值得一試。牛肉啖啖肉，帶少少軟筋，好軟腍入味。
千層三星蔥拉餅
兩個人仲叫個蔥餅試下。不過就冇得好似台灣既手抓餅咁可以有夾配料，只有淡淡蔥香。
總體黎講，呢到既價錢中上，不過份量就非常足，而且味道都幾地道，會再黎試。店舖亦好有心，準備左兩個口罩套送比我地
Post
