德國餐廳 (Mikiki)

Open Now

Now Closed

餐廳喺Mikiki商場嘅外圍，有室外同室內座，接近下午茶時間室內座都冇咩人，不過室外座就滿哂，睇黎都幾受食客歡迎。二人行叫左德國鹹豬手配酸菜及薯仔沙律，西班牙海鮮飯，是日餐湯配意大利麵包，飲品就叫左杯啤酒。鹹豬手已經切好先上碟，放得好整齊。肉質嫰滑，有光澤。而且好香肉味,食到有D豬手肉嘅位連埋少少筋同脂肪更香，一啖豬手一啖啤酒，真係好滿足。份量都幾大，啱哂D食肉獸。而酸菜及薯仔沙律方面，酸酸地，好開胃。可以中和一下油膩嘅感覺，薯仔沙律一啖一粒，唔會好硬，幾好食。西班牙海鮮飯好足料，二人份量都唔少。材料有蝦，魚，青口，蜆，魷魚，青紅椒。蝦都幾鮮味，魚有兩大件，冇骨，可以大大啖咬都冇問題，肉質嫰滑，青口同蜆嘅數量都幾多，冇沙或者腥味，值得一讚。魷魚彈牙，飯粒有咬口，係偏硬嘅飯。海鮮飯望落雖然顏色深，但係食落唔會太重味。而啤酒叫左Guiness draght beer， 味道淡香，口感幼滑。是日餐湯係蘑菇湯配意大利麵包，意大利麵包香脆仲幾有蒜香味。