一哥點故 (Closed)

元朗一哥點心殺到去灣仔開分店！改名為「一哥點故」，是日就黎到佢地位於灣仔摩理臣山道的店舖：飲啖茶，食個包餐廳裝修時尚得來帶點中式韻味，座位寬敞，坐得舒適餐牌紙上嘅點心款式圖文並茂，都幾多種類，仲好有特色添！例如係龍蝦湯鮮竹卷、春風得意腸等等姬松茸菌燉雞湯燉雞湯色澤金黃，湯底清甜，夠火喉，而且好足料，有唔少姬松茸同豬肉塊黑松露蝦餃中式蝦餃就食得多，加入左黑松露嘅蝦餃真係第一次食，估唔到味道又幾夾喎！蝦肉同黑松露混和在一起，每啖都有鮮蝦同松露的香氣，好好味呢灌湯小籠包充滿湯汁的小籠包都幾大粒，豬肉內餡好軟腍，有肉香！但外皮略厚懷舊燒賣王燒賣好大粒！蝦肉同豬肉嘅比例剛好，內裏唔會太多肥豬肉，調味適中，好食XO醬菜苗餃晶瑩通透的餃皮有彈性又有嚼勁，裡面包著滿滿的鮮蝦菜苗，餡料豐富，面上加咗一小撮XO醬令到味道昇華，更鹹香美味麻辣抄手王雲吞頗大隻飽滿，菜肉餡香氣撲鼻，雲吞皮薄且滑溜。配上麻辣醬，又麻又香辣，好好食哦家鄉蒸蘿蔔糕一大磚蒸蘿蔔糕份量十足，內裏加入左不少蘿蔔條，所以味道特別鮮甜！面上仲有適量蝦米同臘腸，更加滋味韭王鮮蝦腸同樣係晶瑩通透的鮮蝦腸粉，採用大大隻又彈牙的鮮蝦，配上有米香的腸粉