URBAN COFFEE ROASTER x PERFUME TREES GIN

我平時超鍾意搵啲賣相靚到爆燈嘅Cocktail，點知上次同老公去食拉麵，隔離竟然有間隱世日式酒吧，性價比仲要好高（純粹我個人感受）！呢間酒吧日頭有咖啡同Brunch，夜晚就變身賣Cocktail同fancy嘅主菜小食，真是一個地方滿足晒我哋呢啲中環上班族！下次如果有friend嚟中環搵我食Lunch想食好啲，或者一班閨蜜想搵個地方girls talk，呢度絕對係首選！
適逢老公生日月份，佢話點都要搵間餐廳食靚牛、飲靚酒慶祝一下。我哋一入到餐廳，老公已經即刻睇中Menu入面嘅UCR Coffee Spice Rub Flank Steak，話係佢心心念念嘅薄切靚牛！我點咗個Burrata，點知真是一個大驚喜！因為我人生第一次試到Burrata係用yogurt base，仲帶少少草莓嘅甜味，味道配搭真係好特別！
平時我同老公都係揀普通枱坐得舒服啲，但今次老公突然話好想近距離睇吓調酒師點樣整Cocktail（佢揀咗Thence Yogurt）。我一睇Menu即刻被Egg Tart Cocktail吸引，因為嗰層焦糖cream面，無論外型定口感，仿真葡撻嘅程度真係誇張到有啲bizarre！將蛋撻嘅口感變成Cocktail咁serve，仲要一order黎兩杯，超值！真心覺得好啱同班唔想飲太多酒但又想試新奇飲品嘅女仔friend一齊share，飲完真係回味無窮！