Video
Read full review
2009-12-28
10 views
今日，係我一個識左好耐既女性朋友生日，為左同佢慶祝，於是我帶佢去食佢最鍾意食既日本料理。到達榮川時，大概六點，本來我地想食刺身壽司之類既食物，不過有個肥肥地類似經理既人，介紹我地食和牛放題（其實即係打邊爐），見天氣凍，於是我地決定試下。聽肥仔經理講，呢Ｄ和牛係A4品種，任食，菜又係任食，啤酒可樂任飲，個沙律都好似係任食，不過我地兩個食牛比較多，食完一碟又一碟，唔駛我地叫，侍應會自動波隊碟牛肉上黎，真係慳番好多口水嗌。咁大個仔未試過一次過食咁多A4和牛，感覺賺晒！除左食放題，我地散叫左一Ｄ食物，例如鯛魚刺身、煙肉帶子串、燒銀雪魚，仲有軟殼蟹卷，全部都好好味，本來肥仔經理非常耐心地介紹左好多唔同品種既刺身比我地，但係我地食放題已經飽飽地，所以冇再order。不過佢地既刺身好似幾特別，一般壽司店唔會有，印象中，好似有池魚、金目鯛、喜之次、眼仁奈等等，向出面聽都未聽過，或者係我識野少吧，下次再黎既話一定要試下。其實我今晚約左呢位女性朋友，除左係為佢慶祝生日外，仲諗住同佢表白，但坐左大半個鐘都唔知點樣開口，呢個時候，佢比爐入面既湯燙傷，雖然看似小事，但我表現得好緊張，捉住佢隻手睇下傷得嚴唔嚴重，
聽肥仔經理講，呢Ｄ和牛係A4品種，任食，菜又係任食，啤酒可樂任飲，個沙律都好似係任食，不過我地兩個食牛比較多，食完一碟又一碟，唔駛我地叫，侍應會自動波隊碟牛肉上黎，真係慳番好多口水嗌。咁大個仔未試過一次過食咁多A4和牛，感覺賺晒！
除左食放題，我地散叫左一Ｄ食物，例如鯛魚刺身、煙肉帶子串、燒銀雪魚，仲有軟殼蟹卷，全部都好好味，本來肥仔經理非常耐心地介紹左好多唔同品種既刺身比我地，但係我地食放題已經飽飽地，所以冇再order。不過佢地既刺身好似幾特別，一般壽司店唔會有，印象中，好似有池魚、金目鯛、喜之次、眼仁奈等等，向出面聽都未聽過，或者係我識野少吧，下次再黎既話一定要試下。
其實我今晚約左呢位女性朋友，除左係為佢慶祝生日外，仲諗住同佢表白，但坐左大半個鐘都唔知點樣開口，呢個時候，佢比爐入面既湯燙傷，雖然看似小事，但我表現得好緊張，捉住佢隻手睇下傷得嚴唔嚴重，旁邊既女reception見狀，即時問我地有冇事，仲即刻攞成盒紙巾比我地，我既朋友好感動，除左係因為侍應們既熱誠招待，仲有我既關心及呵護，所以佢流左少少眼淚，我亦鼓起平身最大既勇氣，同佢表白，終於有志者事竟成，我地兩個終於可以向埋一齊喇。
對於我黎講，今日係值得記念既日子，所以我一定會記得榮川，下次黎既時候，唔知班夥計仲記唔記得我地呢？
遺憾既係冇帶相機，拍唔到食物相，同埋最重要既一刻。
Post