order如下：
漢堡扒芝士羮定食($85)：很大的一鍋，但係漢堡扒只有兩小件，不過真係好好味！漢堡扒size細偏厚，但係一Ｄ都唔會太韌太乾，非常juicy，又唔會太咸，湯鍋有絲絲芝士，好香好好味！湯汁撈飯一流！
今次前菜係蓮耦，也不錯，可是當然是上次的海澡比較好吃～
今次+$20要山芋蓉飯，本來以為會好似芋頭咁甜甜地，但係原來只係有一pat野放係飯面上，仲要係無味的
早知唔要啦！
吉列雞扒併烏冬($75)：招牌吉列雞扒同樣出色，非常鬆化，真係好好味！烏冬夠彈牙，感覺比喬麥麵好吃（而且烏冬可以選擇冷／熱）
綠茶mousse($38)：比抹茶聖代出色，因為主角mousse真係好濃綠茶味，大戶屋的cream麻麻，呢個dessert的cream portion少，所以唔係咁覺，cream上面仲有seame，更加搶左cream的味道，紅豆質素一般，份量亦不多，可以接受，小丸子就無味，好彩只有兩粒vanilla ice cream上面有黑芝麻，同mousse幾match，好味！
凍抹茶($15)：$15真係好平！因為freshness burger單點都要$2X/杯，而且又有Ｄ口渴，就點黎飲啦！點知奶同糖另上，要自己DIY，睇個樣都知出事而且真係淡如水，細杯不特止，仲要有三舊大大的冰！$15都唔抵，千祈唔好再點
凍檸茶($10)：又係冰多於水！
如果以定食來說，大戶屋的價錢是比較貴的，但是味道真的比其他平價定食好很多，而飲品方面，他反而比市價便宜（茶記的檸茶也要＄１４），而質素亦相對的比其他食肆差，所以實在是一分錢一分貨～
總括而言，大戶屋還是算出色的，下次還會再光顧，不過挑選食物方面當然會比較有選擇性了:)
