Backenheim Cafe & Bakery (Closed)

時近糧尾，冇乜多餘錢大花特花。跟太座來個亷價一D嘅西餐，未嘗唔係一件好事...一個set dinner一百多元，有頭盤有湯有主菜有甜品有drinks，响尖咀嚟講真係算係平霸嘅選擇。當然，大家都唔好expect水準有D乜嘢驚喜，甚至可以講，係絕對在水準以下...太座一見到頭盤有foie gras，隻眼就立時放光，馬上要叫。上菜一睇，塊肥肝好似營養不良咁，食落口毫不油潤，好似食餅乾咁...唉..俾百零蚊個餐有foie gras食，仲可以要求D乜呢?南瓜湯當然揾唔到新鮮南瓜蓉，嗰種甜味絕對並不來自南瓜肉。飲咗兩啖，放棄...主菜係sirloin steak加寶雲酥焗羊鞍。太太食牛偏愛熟一點，就叫七成。用刀一切，肉頗軟熟，牛味尚可，但就過熟，起碼有八至九成。好彩塊扒質素還可以，否則就好似食橡膠咁...自己嘅焗羊鞍反而就過生，又係食到一半頂唔順，放棄...望見個所謂dessert，只係普通嘅啫喱，有如小學生嘅習作，未食已先投降...不過都係嗰句，百零蚊貨仔，唔可以有乜要求嘞...喊臉定OK臉? 難以抉擇...