見到有新出品的iced banana chocolate及iced banana mocha, 當然要試下.
但估唔到平野未必一定好, 今次好失望. 因為以前都有飲呢間的green tea latte, 味道濃又奶香.
今次有做優惠, 買一送一, 只要following 佢地既IG, 就有優惠.
我地揀左iced banana chocolate(大)及iced banana mocha (大) $42.
好處係可以試哂兩款都用到個優惠, 除開每人只係$21, 其實好抵.
但味道真係好馬虎好難飲.
朱古力味好淡, 而且好多冰塊, 最後跟本係奶水, 都幾恐怖下.
香蕉味有的, 但明確係香蕉精油的味, 沒有新鮮的香蕉.
另一杯MOCHA, 其實都有齊朱古力, 香蕉及咖啡味, 但同樣都是好淡, mocha個杯味道更奇怪, 情願飲朱古力算.
總括, 雖然真係平一半好抵飲, 但係味道麻麻, 唔好浪費錢, 都係飲返其他飲品, 或者俾貴少少飲佢地其他飲品更好.
