Siam 28

Open Now

Now Closed

每次想食泰國菜都會想起呢度，皆因好味又抵食！而且環境安靜舒適，地點就腳。今日黎食 set lunch，餐湯可以選擇清湯或者冬蔭功。雖然主菜揀了冬蔭功海鮮湯金邊粉，但餐湯依然忍唔住叫冬蔭功惹味且開胃，有豐富蔬菜同蝦嘅鮮甜味。冬蔭功海鮮湯金邊粉入面海鮮好足料：蝦、魷魚、蜆肉每樣都有三塊，小可惜嘅係有一隻蜆未開口。午餐有埋飲品，荔枝冰有超大粒荔枝！老公要明火爐魚片配飯，佢話魚肉嫩滑，七八十蚊食到，覺得好抵~~醬汁好惹味！以前黎通常會食芒果糯米飯，佢個飯係一粒粒餅形咁，容易share又 ig-able。今次太飽所以無叫~~會再 encore ！