嚐館 (Closed)

難得同屋企人出嚟黃大仙，梗係到處行下～見到咧間餐廳人幾多同埋有爸爸啱食嘅煲仔飯同牛脷飯就走咗入去。我哋叫咗安格斯牛扒丼飯同芝士焗蘑菇燒汁牛脷飯。不得不說，咧間餐廳分量幾足，塊安格斯牛扒大塊之餘亦都厚，配上日式燒汁味道唔錯，淨係食大半都好飽。而個牛脷飯就更加係我哋咧啲中意食牛脷嘅人嘅首選，更好嘅係因為我比較中意食茄汁，就問下侍應有無番茄牛脷飯，佢好好人咁幫我同廚房講咗將燒汁轉做茄汁。啲牛脷好大塊，又厚又腍，超正~另外仲可以加38蚊加餐湯、沙律同酸種麵包🍞，分量都唔少噶～驚唔夠飽可以考慮加返份。同埋佢啲嘢飲都唔錯，叫咗2杯港式奶茶，香濃嘅茶味配上絲滑嘅奶香，真係想飲多幾杯！