店舖門面比較不顯眼，入到去裝修都冇特別嘅設計，不過牆上嘅一幅油畫吸引咗我，因為圖畫用色鮮豔，上面嘅人仔個個都笑得好燦爛好得意，望下真係會令人會心微笑！
我哋叫咗兩碗河粉，但係就要等大約10至15分鐘先上到。喺咁短嘅lunch hour入面，其實值得改善一下。
越式牛湯河(肩胛生牛片) ($48)
湯河嘅賣相有誠意，牛肉清湯配上洋蔥、芽菜、蘿蔔絲、花生碎、炸蒜同紅蔥片，湯底味道都幾濃郁，配上河粉味道合適。生牛片味道還好，但係就比較韌。
香茅雞翼湯河 ($45)
呢一碗雞翼湯河我叫咗全走嘅，所以望落去好似比較清淡。香茅雞翼就有四隻，大細適中，炸得甘脆可口，但有少少乾身， 不過浸入湯底就剛剛好！
